२१६ मेगावाटको त्रिशुली एकमा एशियन इन्फ्रास्ट्रक्चर इन्भेष्टमेन्ट बैंकको १० अर्ब लगानी

नुवाकोट जेड २९, रसुवामा निर्माण हुन लागेको २१६ मेगावाटको त्रिशुली जलविद्युत आयोजनाको लागि एसियन इन्फाइस्ट्रक्चर इनभेष्टमेन्ट बैंकले करिब १० अर्ब रुपैयाँ लगानी गर्ने भएको छ ।

त्रिशुली एक कोरियाली कम्पनी नेपाल वाटर एण्ड इनर्जी डेभलोपमेन्ट कम्पनी प्रालिले प्रवर्द्धन गरिरहेको छ। बुट (निर्माण, परिचालन र हस्तान्तरण) मोडेलमा निर्माण हुने त्रिशुली एकमा आइसिएफसी र एसियन डेभलोपमेन्ट बैंकको समेत ऋण लगानी रहेको छ । अमेरिकी डलर ९० मिलियन अर्थात नौ अर्ब ९९ करोड नेपाली रुपैयाँ ऋण लगानी गर्ने सम्झौता भएको बेलायती पत्रिका आपिईमा उल्लेख छ ।

एसियन इन्फास्ट्रक्चर इन्भेष्टमेन्ट बैंकले विद्युत वितरण प्रणाली सुदृढीकरण र तामाकोशी ५ जलविद्युत आयोजनामा समेत ऋण लगानी गर्ने छ। वितरण प्रणाली सुदृढीकरणको लागि ११ करोड रुपैयाँ र तामाकोशी ५ को लागि १० करोड रुपैयाँ लगानी गर्ने उल्लेख छ । बैंकले ७२ अर्ब रुपैयाँ लागत अनुमान गरिएका दुई जलविद्यु आयोजना र वितरण प्रणाली सुदृढीकरण आयोजनामा १० अर्ब रुपैयाँ ऋण लगानी गर्ने सम्झौता भएको हो। चिनयाँ बैंकले नेतृत्वमा रहेको इन्फास्ट्रक्चर बैंकको यो नेपालमा पहिलो लगानी हो ।