बुधबार देशभर सार्वजनिक बिदा

सरकारले जेठ २२ गते बुधबार देशभर सार्वजनिक बिदा दिने भएको छ । सरकारले मुस्लिम धर्मावलम्बीहरूको पर्व ईदुलफित्रको अवसरमा सार्वजनिकबिदा दिएको हो  ।

सरकारले  मुस्लिम धर्मगुरुहरुले गरेको सिफारिसमा एक दिन ईदको सार्वजनिक विदा दिने निर्णय गरेको थियो । मिति भने चन्द्रमाको अवलोकनको आधारमा हुने तय भएको थियो ।

सोहि आधारमा मंगलबार मुस्लिम आयोगले बुधबारको लागि विदा दिन सरकारलाई सिफारिस गरेको हो ।  सोहि आधारमा गृहमन्त्रालयले सार्बजनिक बिदा दिएको हो ।