तालिमपछि व्यवसायिक रुपमा काम गर्ने प्रशिक्षार्थीहरुको भनाई

नुवाकोट जेठ १,गरिव निवारणको लागि लघु उद्यम विकास कार्यक्रम अन्र्तगत शिवपुरी गाउँपालिका वडा नम्बर ५ र ६ को शेराबगरमा सोमबारदेखि शुरु भएको मौरीपालन सिप विकास तालिममा सहभागी भएकाहरुले एकहप्ताको तालिमपछि व्यवसायिक रुपमा काम गर्ने बताएका छन ।

जिल्ला उद्यम विकास समितिले मंगलबार आयोजना गरेको अवलोकन तथा निरिक्षण कार्यक्रममा प्रशिक्षार्थीहरुले तालिमपछि व्यवसायिक रुपमा काम गर्ने बताएका हुन । तालिममा सहभागी १६ वर्षिया सजिना पोखरेलले मौरी पालन व्यवसायिक रुपमा गरेमा राम्रो आम्दानीको श्रोत हुने भन्दै आफु मौरीपालनतर्फ आर्कषित भएको उनको भनाई छ । भरर्खरै एसईई परिक्षा दिएर बसेकी उनले समयको सदुपयोग तथा व्यवसायिक शिस विकास तालिममार्फत तालिममा छनौट भएकोले आफुले व्यवसायिक योजना अनुसार नै मौरी पालन तालिम लिएको बताइन । त्यस्तै वडा नम्बर ६ का कृषक श्रीकृष्ण थापा समेत कृषीको विकल्पको रुपमा समेत व्यवसायिक मौरीपालन देखिएको भन्दै तालिममा सहभागी भएको बताउँछन । उनले अन्य काम गरेर फुर्सदको समयमा समेत व्यवसायिक मौरी पालनबाट मनग्य आम्दानी गर्न सकिने बताए । त्यस्तै चार वर्षिया छोरी काखमा लिएर तालिममा सहभागी भएकी कल्पना केशीले मौरीपालन तालिमबाट स्वरोजगार बन्न तालिममा सहभागी भएको बताइन । उनले तालिमपछि व्यवसायिक रुपमा काम गर्ने इच्छा रहेको बताइन ।

अनुगमनको क्रममा शिवपुरी गाउँपालिकाका अध्यक्ष रामकृष्ण थापाले जीवन निर्वाह खेती मात्र गरेर नहहुने भन्दै व्यवसायिक प्रायोजनको लागि उत्पादन गर्ने बताए । गाउँपालिकाका अध्यक्ष थापाले गाउँपालिका मौरी पालनको लागि उपयुत्त रहेको भन्दै गाउँपालिकामा अनुदानको लागि एकसय ५० भन्दा बढी कृषकहरुले मौरी माग गरेको बताए । उनले काम गर्ने व्यक्तिलाई गाउँपालिकाले हरेक क्षेत्रमा सहयोग गर्ने भन्दै काम गर्ने ढुढ इच्छाशक्ति र प्रतिवद्धता जनाए सहयोग गर्ने बताए ।
कार्यक्रममा नुवाकोट उद्योग वाणिज्य संघका अध्यक्ष ताराबहादुर कार्कीले तालिमपछि व्यवसायिक रुपमा काम गरेमा मात्र तालिमले सार्थकता पाउने बताए । उनले उद्योग वाणिज्य संघको अध्यक्षको हैसियतले आफुले व्यवसायिक रुपमा हरदम सहयोग गर्न तयार रहेको बताए । कार्यक्रममा जिल्ला समन्वय समिति नुवाकोटका समन्वय अधिकारी कृष्णप्रसाद पन्थीले एक साताको तालिम कसैको लागि पनि पर्याप्त नभएको भन्दै व्यवसायक सिप विकासको लागि यस्ता तालिमले महत्वपुर्ण भुमिका खेल्ने बताए । त्यस्तै कार्यक्रममा घरेलु तथा साना उद्योग विकास समिति नुवाकोटका प्रमुख विजय भट्टराईले तालिमले आधारभुत तथा व्यवसायिक दुबै शिक्षा दिने भएकोले तालिमको भरपुर सदुपयोग गर्न आग्रह गरे । उनले तालिमपछि गाउँपालिकाले समेत राम्रा प्रशिक्षार्थीहरुलाई अझै अवसर प्रदान गर्ने बताए ।

लालीगुराँस सामुदायिक विकास केन्द्र रसुवा र जोइन्ट भिजन कन्सल्टेन्सी वालाजुको आयोजना तथा घरेलु तथा साना उद्योग विकास समिति नुवाकोटको सहयोगमा सिप विकास तालिम संचालन भएको हो । तालिममा महिला र पुरुष गरि १७ जना सहभागी भएको लालीगुराँस सामुदायिक विकास केन्द्र रसुवाका अध्यक्ष निलनाथ न्यौपानेले जानकारी दिए । सोमबारदेखि शुरु भएको मौरी पालन तालिम आगामी आइतबारसम्म संचालन हुने छ । त्यस्तै लालीगुराँस सामुदायिक विकास केन्द्र रसुवा र जोइन्ट भिजन कन्सल्टेन्सी वालाजुको आयोजना तथा घरेलु तथा साना उद्योग विकास समिति नुवाकोटको सहयोगमा नै शिवपुरी गाउँपालिका वडा नम्बर ७ ड्म्रेमा नै सावुन बनाउने तालिम पनि संचालन भइरहेको छ । एकसाता संचालन हुने तालिम आगमी आइतबार ५ गतेसम्म संचालन हुने लालीगुराँस सामुदायिक विकास केन्द्र रसुवाका अध्यक्ष न्यौपानेले जानकारी दिए । गरिव निवारणको लागि लघु उद्यम विकास कार्यक्रम अन्र्तगत नुवाकोटको विभिन्न ७ स्थानिय तहमा लालीगुराँस सामुदायिक विकास केन्द्र रसुवा र जोइन्ट भिजन कन्सल्टेन्सी वालाजुले विभिन्न सिप विकास तालिममार्फत आत्मनिर्भर बनाउने काम गरिरहेको छ ।