व्यापक नदि दोहन गरेको भन्दै विदु्र नगरपालिकालाई अख्तियारको पत्र

नुवाकोट वैशाख १२, विदुर नगरपालिकालाई नगरक्षेत्र भित्र व्यापक रुपमा नदि दोहन गरेको भन्दै अख्तियार अनुसन्धान आयोगले पत्र पठाएको छ ।

नगर क्षेत्रभित्र व्यापक रुपमा दोहन गरेको भन्दै अनुगमन गरि एकहप्ता भित्र प्रतिवेदन पेश गर्नै जिल्ला अनुगमन समितिलाई अख्तियारले निर्देशन गरेको जिल्ला अनुगमन समितिका एक सदस्यले विदुर खबरलाई बताए ।

त्यस्तै तारकेश्वर गाउँपालिका वडा नं १ मा पनि व्यापक उत्खनन गरेको भन्दै तत्काल रोक लगाई विस्तृत विवरण अख्तियारले निर्देशन दिएको छ । अख्तियारको निर्देशन अनुसार लिखु गाउँपालिकामा पनि व्यापक नदि दोहनको कारण लब्धु सिंचाई आयोजनामा असर पुगेको भन्दै त्यसको विवरण समेत पेश गर्न जिल्ला अनुगमन समितिलाई निर्देशन दिइएको बताइएको छ ।