गेर्खु–चोगते सडकखण्डको निर्माण कार्य तिव्र

विदुर÷विदुर नगरपालिकाको वडा नं १० फुलबारीदेखि वडा नं ११ को गेर्खुहुँदै सुर्यगढी गाउँपालिकाको बागेश्वरीसम्म जोड्न लागेको गेर्खु–चोगते सडकखण्डको निर्माण तिव्र पारिएको छ ।

१३ किलोमिटर ७ सय ६० मिटर कुल लम्बाई भएको सो सडकको निर्माणको जिम्मा संघिय सांसद वहादुरसिंह लामको हिमडुङ एण्ड थोकर कन्स्ट्रक्सन प्रालिले गरिरहेको अनुदान व्यवस्थापन तथा स्थानिय पुर्वाधार जिल्ला कार्यान्वयन एकाई नुवाकोटले जनाएको छ । २४ महिनाको अवधिमा निर्माण सम्पन्न सक्नुपर्ने सो सडकको लागत २६ करोड ४५ लाख २ हजार २ सय ५३ रुपैयाँ ८९ पैसा रहेको छ । सडक निर्माण समयमै भएमा विदुर नगरपालिका वडा नं १० र ११ का जनताहरु लाभान्वित हुनेछन । सदरमुकाम विदुरबाट मात्र ५÷६ किलोमिटरको दुरीमा रहेको सावकको गेर्खु गाविस सडक संजाल राम्रो नभएकै कारणले विकट मानिएको छ । लामोसमयसम्म सडक निर्माण हुन नसक्दा त्यहाँका स्थानियले ज्यान जोखिममा राखेर यात्रा गर्न बाध्य भएका छन । सडक निर्माणको स्थिति तिव्र गतिमा भइरहेको विदुर नगरपालिका वडा नं ११ का वडाअध्यक्ष तोयानाथ तिमिल्सीनाले बताए । निर्माणको अवस्था सन्तोषजनक भएको उनको भनाई छ । स्थानियबासीले सडक निर्माण भएसँगै खुसी व्यत्त गरेका छन । स्थानिय राजकुमार केशीले सडक निर्माण हुनु मात्र ठुलो नभएको भन्दै सडक गुणस्तरीय र भरपर्दाे हुनुपर्ने बताए । सडकको चौडाईतर्फ छ मिटर पिच हुने बताइएको छ । सडकको निर्माणको लागि गत असार २२ गते सम्झौता भएको थियो ।