नुवाकोटको लामाटारमा बेमौसमी तरकारी खेती तालिम सम्पन्न

विदुर÷ वाणी चुडी महिला बहुउद्देश्यीय सहकारीको आयोजना तथा विदुर नगरपालिकाको आर्थिक सहयोगमा ५ दिने बेमौसमी तरकारी खेती तालिम शनिबार सम्पन्न भएको छ ।

कार्यक्रममा बोल्दै भुमि अधिकार तथा श्रमिक किसान संघका केन्द्रीय सचिव यमकुमार खातीले निर्वाह मुखी कृषि उत्पादनले प्रगति नहुने प्रमाणित भएसकेको बताए । उहाँले बैज्ञानिक कृषि प्रणाली अनुसार अनुसार लाग्न सकेमात्र तालिमको सार्थकता रहने बताए । कार्यक्रममा ककनी गाउँ कार्यपालिका वडा नं ७ का वडा अध्यक्ष पुष्कर बोगटी विदुर नगर कार्यपालिकाका नायब सुब्बा गायत्री प्याकुरेल र खिन्चेत सहकारीका उपाध्यक्ष चन्द्रबहादुर खड्काले तालिमले कृषकहरुको क्षमता वृद्धि हुने बताउनु भएको सहकारीका सचिव सावित्री बोगटीले जानकारी दिनुभयो । तालिममा ३८ कृषकहरको सहभागिता रहेको थियो ।