शिवपुरीमा सामुदायिक विद्यालय व्यवस्थापन समिति महासंघ गठन

नुवाकोट।शिवपुरी गाउँपालिकामा विद्यालय व्यवस्थापन समितिका पदाधिकारीहरु सम्मिलित पालिका स्तरीय सामुदायिक विद्यालय व्यवस्थापन समिति महासंघ गठन गरिएको छ ।

महासंघको अध्यक्षमा हरी दुलाल, उपाध्यक्षमा जयराम तामाङ, सचिवमा शावित्री रिजाल र कोषाध्यक्षमा इश्वर पाण्डे चयन भएका छन् । महासंघलाई २१ सदस्यीय बनाइएको छ । गाउँपालिकाका अध्यक्ष रामकृण थापाले गुणस्तरीय शिक्षा प्रवाह गर्न गाउँपालिकाले निति नै बनाएर कार्यान्वयनमा लागिरहेकोले यस समितिले थप सहयोग पुग्ने अपेक्षा गरेको बताउनुभएको छ । उहाँले शैक्षिक गतिविधिलाइृ अगाडी बढाउदा सामुदायिक विद्यालय व्यवस्थापन समितिसँग सहकार्य गर्ने बताउनुभएको छ ।

सामुदायिक विद्यालय व्यवस्थापन समिति महासंघले स्थानीय तहमा समिति गठन गर्दै आइरहेको छ । महासंघले गुणस्तरीय शिक्षा प्रवाह गर्न सकिने उपायहरुको खोजी, विद्यालय सञ्चालन गरिराख्दा विद्यालय व्यवस्थापन समितिले झेल्नुपर्ने समस्यालाई न्यूनिकरण गर्ने तरिका लगायतको विषयमा आवाज उठाउदै आइरहेको महासंघका जिल्ला अध्यक्ष भाग्यश्री लामाले बताउनुभएको छ । स्थानीय तहसँग सहकार्य गरेर महासंघ शैक्षिक गथिविधिमा संलग्न हुदै आइरहेको उहाँले बताउनुभएको छ । अहिलेसम्म जिल्लाको ककनी गाउँपालिका र बेलकोटगढी नगरपालिकामा समिति गठन गरिएको महासंघका सचिव शेरबहादुर तामाङले बताउनुभएको छ ।