बट्टार क्याम्पसमा छात्रवृत्ती वितरण तथा सातकोठे कक्षाकोठा भवनको सिलान्यास सम्पन्न

नुवाकोट । नुवाकोट,रसुवा र धादिङकै सबैभन्दा पुरानो ऐतिहासिक नुवाकोट आदर्श बहुमुखी क्याम्पसमा एकैदिन दुईवटा महत्वपूर्ण कार्यक्रम सम्पन्न भएका छन् ।

वि.सं. २०४२ सालमा स्थापित यस क्याम्पसको नयाँ शैक्षिक भवनको शिलान्यास तथा छात्रवृत्ति वितरण कार्यक्रम बुधवार एक विशेष समारोहका बीच सम्पन्न भएको हो । क्याम्पस स्थापना कालमा अतुलनीय योगदान पु¥याउनुहुने स्वर्गीय संस्थापक तथा पूर्व अध्यक्ष विष्णु बहादुर आचार्यको स्मृतिमा आयोजित कार्यक्रममा विद्यार्थीहरूको प्रतिभा, लगनशीलता र पारिवारिक अवस्थालाई सम्मान गर्दै छात्रवृत्ति वितरण गरिएको छ भने क्याम्पसको भौतिक पूर्वाधार विकासका लागि नयाँ भवनको शिलान्यास गरिएको छ।

कार्यक्रममा विदुर नगरपालिकाका नगर प्रमुख राजन श्रेष्ठले दुवै कार्यले शिक्षाको गुणस्तर सुधार र समृद्ध समाज निर्माणको मार्ग प्रशस्त गर्ने विश्वास व्यक्त गरे । नगर प्रमुखले श्रेष्ठले नुवाकोट आदर्श बहुमुखी क्याम्पसले हजारौँ दक्ष जनशक्ति उत्पादन गरेर देशका विभिन्न उच्च ओहोदामा पु¥याएको बताए ।

उनले क्याम्पसकाे भौतिक पूर्वाधार बिना प्रविधिमैत्री र आधुनिक शिक्षा सम्भव नभएको उल्लेख गर्दै नयाँ भवन निर्माणसँगै क्याम्पसको शैक्षिक वातावरण थप उत्कृष्ट बन्ने र यसले अनुसन्धानमूलक शिक्षामा जोड दिने विश्वास व्यक्त गरे । नगरप्रमुख श्रेष्ठले आजको युग प्रतिस्पर्धात्मक, वैज्ञानिक र प्रविधिको युग भएको चर्चा गर्दै बदलिँदो समय अनुसारका बिषयहरु सूचना प्रविधि तथा प्राविधिक बिषयहरुलाई प्राथमिकता दिन आग्रह गरे ।

कार्यत्रममा क्याम्पस सञ्चालक समितिका अध्यक्ष श्रीराम श्रेष्ठले पूर्व अध्यक्ष एवं संस्थापक बिष्णु बहादुर आचार्यको समाजमा तथा क्याम्पसको योगदानको स्मरण मुक्तकण्ठले प्रशांसा गरे । उनले योगदान गर्ने ब्यक्तिलाई जहिले पनि क्याम्पसले सम्झिरहने बताए । श्रेष्ठले क्याम्पसका संस्थापकहरु शिव प्रसाद गजुरेल लगायत संस्थापकहरुले क्याम्पसलाई पुर्याएको योगदानको चर्चा समेत गरे ।

श्रेष्ठले क्याम्पसको भौतिक तथा शैक्षिक योगदान पुर्याउनु हुने बिदुर नगरपालिका, विश्वबिद्यालय अनुदान आयोग तथा सम्पूर्ण दाताहरुलाई धन्यबाद दिदै तथा आगामी दिनमा थप सहयोगको अपेक्षा समेत गरे । अध्यक्ष श्रेष्ठले बदलिँदो समयअनुसार चल्न सम्पूर्ण प्राध्यापकहरुलाई आग्रह गरे । आधुनिक प्रविधि, अनुसन्धान र नवीनतम ज्ञानमा अब्बल बन्न प्राध्यापकहरूले आफूलाई निरन्तर अपडेट गरी खरो रूपमा उत्रिन समेत अाग्रह गरे ।

कार्यक्रममा क्याम्पस प्रमुख गोविन्द लिम्बु, संचालक समितिका सदस्यहरु ध्रुुव ढकाल, रामहरी घिमिरे, प्रकाशचन्द्र ढुंगाना, बिन्दा अर्याल, छत्रराज डंगोल, पूर्व क्याम्पस नारायणमान डंगोल लगायतले मन्तब्य राखेका थिए ।

कार्यक्रममा २७ जना बिद्यार्थीहरुलाई दुईलाख १३ हजार सात रुपैयाँ छात्रवृत्ति वितरण गरिएको छ ।

नुवाकोट आदर्श बहुमुखी क्याम्पसमा अहिले मानबिकि, शिक्षाशास्त्र र ब्यवस्थापन संकाय तथा ११, १२ कक्षा, स्नातक, स्नाकोत्तर तहमा गरी करीब १५ सय बिद्यार्थीहरु अध्ययनरत छन् ।

क्याम्पसबाट करीव ७ हजार बिद्यार्थीहरुले ग्राजुएट हासिल गरी देश तथा बिदेशको बिभिन्न क्षेत्रमा उच्च ओहदामा आशिन हुन पुगेको छन्र । क्याम्पसकाे कक्षा ११ मा यसै शैक्षिक सत्रबाट होटल म्यानेजमेन्ट बिषय सञ्चालन हुदैछ भने स्नातक तहमा बि एड आई सि.टि, बिबिए लगायतका नयाँ बिषय थप गर्ने प्रक्रियमा रहेको छ ।