रसुवामा ४३६ थान भेप सहित एक युवक पक्राउ

नुवाकोट । रसुवामा ४३६ थान भेपसहित एक युवक पक्राउ परेका छन् ।

पक्राउ पर्नेमा रसुवा आमाछोदिङमो गाउँपालिका वडा नम्बर ५ घर भएका रविन्द्र श्रेष्ठ रहेको प्रहरीले जनाएको छ । श्रेष्ठले चलाई लिई आएको ना ६ ख ८०२७ नम्बरको कन्टेनर डिब्बा गाडीलाई रोकी चेकजाँच गर्ने क्रममा कन्टेनर डिब्बाको अगाडी क्याविनको भागमा लुकाई ल्याएको अवस्थामा ४३६ थान भेप फेला परेको हो ।

उनलाई शुक्रवार रसुवाको गोसाईकुण्ड गाउँपालिका वडा नम्बर ६ धुन्चेमा अस्थाइ प्रहरी पोष्ट धुन्चेबाट खटिएको प्रहरीको टोलीले सवारी साधनहरु चेकजाँच गर्ने क्रममा टिमुरेबाट काठमाडौंतर्फ जाँदै गरेको अवस्थामा पक्राउ गरिएको हो ।

प्रहरीले भेपसहित सहित चालक रविन्द्र श्रेष्ठलाई नियन्त्रणमा लिई थप अनुसन्धान तथा आवश्यक कारवाहीको लागी रसुवा भन्सार कार्यालय टिमुरेमा बुझाइएको जिल्ला प्रहरी कार्यालय रसुवाका प्रहरी निरीक्ष रमेश रायले जानकारी दिए ।