रसुवागढी नाका ६ महिनापछि खुल्यो

नुवाकोट । गत असारमा बाढीले पुल बगाएपछि बन्द भएको रसुवागढी नाका आजदेखि संचालनमा आएको छ ।

चीन सरकारले बेलीब्रिज निर्माण गरेसँगै रसुवागढी नाका संचालनमा आएको हो । रसुवा भन्सार कार्यालयका प्रमुख तुलसी भट्टराईले नाकामा आइतबारबाट मानिसहरुलाई आउजाउ गर्न दिइएको बताए। उनका अनुसार केरुङमा सामान हुने नेपाली व्यवसायी र कन्टेनर तथा ट्र चालकलाई आउजाउ गर्न दिइएको छ ।

चिनियाँ पक्षले नाकाबाट पुस १७ गतेदेखि सामान ल्याउन दिने जानकारी नेपाली पक्षलाई गराएकाे बताइएकाे छ । असार २३ गते ल्हेन्दे खोलामा आएको बाढीले नेपाल र चीनलाई जोड्ने पुल बाढीले बगाएपछि नाका पूर्णरुपमा बन्द भएको थियो।

बेलिब्रिज बनाउने काम एक साताअघि सम्पन्न भएको थियो। बाढीले बगाएको नेपालतर्फको सडक अहिलेसम्म एकतर्फी मात्रै खुलेको छ ।