ईश्वर पोखरेलले पाए रक्षा मन्त्रालय, प्रधानमन्त्रीपछिको दोस्रो वरियतामा रहने

१४ फागुन,काठमाडौं । नेकपा एमालेका महासचिव ईश्वर पोखरेल प्रधानमन्त्रीपछिको दोस्रो वरियता सहित रक्षामन्त्री बनेका छन् ।

अर्थमन्त्रीको चर्चामा रहेका पोखरेल अन्तिम समयमा रक्षामन्त्री बनेका हुन् ।

महासचिव पोखरेलका लागि सातै प्रदेशको विकास समन्वय गर्ने गरी नयाँ मन्त्रालय खडा गर्ने बारेमा समेट छलफल भइरहेको थियो ।

नयाँ संरचना नबनेसम्म पोखरेल रक्षामन्त्री हुनेछन् । २०५१ सालमा तत्कालिन एमालेका महासचिव माधवकुमार नेपाल पनि प्रधानमन्त्रीपछिको दोस्रो वरियतामा रक्षा र परराष्ट्र मन्त्रालय सम्हाल्ने गरी उपप्रधानमन्त्री थिए ।

रक्षामन्त्री अलग्गै रहने प्रणाली एमालेले २०५१ बाट सुरु गरेको हो । त्यसअघि प्रधानमन्त्रीनै रक्षामन्त्री रहने प्रचलन थियो ।