सुनको मूल्यमा निरन्तर रेकर्ड ब्रेक

नुवाकोट । मंगलबार, नेपाली बजारमा सुनको मूल्यमा भारि वृद्धि भएर ऐतिहासिक उचाईमा पुगेको छ ।

यस दिन सुन प्रतितोला दुई हजार ३०० रुपैयाँ बढेको छ भने चाँदी ऐतिहासिक उचाईमा पुगेर स्थिर भएको हो । नेपाल सुनचाँदी व्यवसायी महासंघकाअनुसार आज छापावाल सुन प्रतितोला २ लाख ३५ हजार ४०० रुपैयाँमा कारोबार भइरहेको छ ।

सोमबारको बजारमा छापावाल सुन प्रतितोला २ लाख ३३ हजार १०० रुपैयाँमा कारोबार भएको थियो । सोमबार कायम रेकर्डलाई ब्रेक गर्दै सुनको मूल्यले एतिहासिक उचाई बनाएको हो । पछिल्लो समय सुन र चाँदीको मूल्यले निरन्तर रेकर्ड ब्रेक गर्दै बढेको हो ।

यसैगरी, यस दिन चाँदीको मूल्य भने स्थिर भएको छ । आज चाँदीको मूल्य सोमबारको बजारमा कायम भएको मूल्यलाई आधार मानेर खरिदबिक्री हुने भएको हो ।

मंगलबार चाँदी दुई हजार ९६० रुपैयाँमा कारोबार भइरहेको छ । चाँदीको उक्त मूल्य नै हालसम्मकै उच्च हो ।