सुनको मूल्य हालसम्मकै उच्च,एकैदिन तीन हजारले बढ्यो

नुवाकोट । आइतबार सुनकाे मुल्य थप बढेकाे छ । आज एकै दिन सुन तोलामा ३ हजार रुपैयाँ बढेको हो ।

नेपाल सुनचाँदी व्यवसायी महासंघले यस दिनका लागि सुनको भाउ प्रतितोला २ लाख ३ हजार ६ सय रुपैयाँ तोकेको छ । यो मूल्य हालसम्मकै उच्च हो । अघिल्लो कारोबार दिन २ लाख ६ सय रुपैयाँ थियो ।

उता चाँदीको मूल्यमा पनि रेकर्ड बनेको छ । आज एकै दिन चाँदी प्रतितोला ६५ रुपैयाँ बढेको छ । महासंघका अनुसार आज चाँदीको मूल्य प्रतितोला २४२५ रुपैयाँ पुगेको छ। यो मूल्य हालसम्मकै उच्च हो । अघिल्लो दिन २३६० रुपैयाँमा कारोबार भएको थियो ।

अन्तर्राष्ट्रिय बजारमा शुक्रबार सुनचाँदीको मूल्य बढेसँगै नेपाली बजारमा आइतबार प्रभाव परेको हो । अन्तर्राष्ट्रिय बजारमा सुन प्रतिऔंस ३४४७ अमेरिकी डलर पुगेको छ । यो मूल्य अहिलेसम्मकै उच्च हो । शनिबार र आइतबार कारोबार बन्द रहने गरेको छ ।