माओवादी र नेसपा एकता महाधिवेशन गर्ने समझदारी

नुवाकोट । नेकपा माओवादी केन्द्र र नेपाल समाजवादी पार्टी (नेसपा) बीच पार्टी एकता महाधिवेशन गर्ने समझदारी भएको छ।

माओवादीको मध्यपहाडी लोकमार्ग अभियानपछि महाधिवेशनको मिति तय गरी एकता प्रक्रिया अघि बढाइनेछ।

नेसपा अध्यक्ष महिन्द्रराय यादवले यसै वर्ष महाधिवेशनमार्फत एउटै पार्टी बनाउने सहमति भएको बताए।यसअघि २०८० जेठ ३ मा लिखित सहमति भए पनि तत्कालीन कार्यदल सदस्य गंगानारायण श्रेष्ठले १२ जेठमा माओवादी प्रवेश गरेपछि अन्योल भएको थियो।

यादवले कम्युनिस्ट पार्टी समाजवादी नाम प्रस्ताव गरे पनि महाधिवेशनको निर्णयलाई मान्ने बताएका छन्।