टोखाबाट जुवातास खेलेको आरोपमा ११ जना पक्राउ

नुवाकोट । जुवातास खेलेको आरोपमा ११ जनालाई टोखाबाट प्रहरीले पक्राउ गरेको छ ।

टोखा नगरपालिका–१० नवज्योति मार्गमा रहेको एक घरबाट ११ जनालाई प्रहरीले शुक्रबार पक्राउ गरेको हो । प्रहरी वृत्त महाराजञ्जबाट खटिएको टोलीले उनीहरुलाई पक्राउ गरेको हो ।

पक्राउ पर्नेमा कास्कीकी बास्मती गुरुङ, गोरखाका कृष्ण सुनार, गोरखाकै खडक अधिकारी, झापाका बिमल अधिकारी, नवाकोटकी लक्ष्मी न्यौपाने, म्याग्दीका शेरबहादुर पुन, म्याग्दीकी तिलकुमारी बुढा, गोरखाका कृष्ण न्यौपाने, रसुवाका गोविन्द बहादुर तामाङ, नुवाकोटका जसबिर तामाङ र गोरखाका शंकर धिताल छन् ।

उनीहरुबाट नगद ५० हजार र ४ बुक तास बरामद भएको छ । पक्राउ परेकाहरुविरुद्ध जिल्ला प्रशासन कार्यालय काठमाडौंबाट ५ दिनको म्याद लिएर अनुसन्धान अघि बढाइएको छ ।