मेयर कप क्रिकेट : विदुर ७ क्वाटरफाईनल प्रवेश

नुवाकोट । विदुर ७ प्रथम विदुर मेयर कप वडा स्तरीय क्रिकेट प्रतियोगिताको क्वाटरफाईनल प्रवेश गरेको छ ।

सोमवार आफ्नो दोस्रो खेलमा विदुर ८ लाई ५ रनले पराजित गर्दै विदुर ७ दुई अंकका साथ समुह बि बाट उपविजेता हुँदै क्वाटरफाईनल प्रवेश गरेको हो ।

टस हारेर पहिले ब्याटिङ गरेको विदुर ७ ले निर्धारित २० ओभरमा १० विकेट गुमाउँदै १२० रन बनाएको थियो । उसका लागि खेलको म्यान अफ दि म्याच समेत रहेका सुवास भण्डारी सर्वाधिक ४१ रन बनाए भने नारायण प्याकुरेलले २१ र अनुप नेपालले ११ रनको योगदान गरे ।

बलिङतर्फ विदुर ८ को लागि प्रकाश माझिीले तीन विकेट लिए । यस्तै आशिष नेपाल, कुमार गजुरेल र समिन मियाँले सामान दुई विकेट लिए ।

जवाफमा १२१ रनको लक्ष्य लिएर मैदानमा उत्रिएको विदुर ८ ले १९.४ ओभरमा सबै विकेट बनाउँदै ११५ रन मात्र बनाउन सक्यो । विदुर ८ का लागि सुजल श्रेष्ठले ३२ र रिजन ढकालले २१ रन बनाए ।

बलिङतर्फ विदुर ७ का सुवास भण्डारीले तीन विकेट लिए । यस्तै अनुप नेपाल र हरिहर सुवेदीले दुई विकेट चट्काए ।

प्रतियोगिताको क्वाटरफाईनल प्रवेश गरेको विदुर ७ ले सेमिफाईनल प्रवेशको लागि विदुर १२ सँग बुधवार प्रतिष्पर्धा गर्नेछ ।