विदुर मेयर कप क्रिकेट : विदुर ३ द्धारा २२३ रनको विशाल लक्ष्य प्रस्तुत

विदुर खबर २०८२ जेठ ३२ गते ९:०१

नुवाकोट । नुवाकोटको विदुर नगरपासलिका वडा नम्बर ५ पिपलटारमा जारी प्रथम विदुर मेयर कप क्रिकेट प्रतियोगिता अन्र्तगत अहिले विदुर नगरपालिका वडा नम्बर ३ र वडा नम्बर २ भिडि रहेका छन् ।

टस जितेर पहिलो ब्याटिङ गरेको वडा नम्बर ३ ले विदुर २ लाई विशाल रनको लक्ष्य प्रस्तुत गरेको छ । विदुर ३ ले निर्धारित २० ओभरमा ८ विकेट गुमाउँदै २२२ रन बनाएको छ ।

विदुर ३ लाई विशाल रन बनाउन दिनेश सुवेदी एक्लैले ९७ रन बनाए । ४२ वलको सामना गरेका उनले ११ चौका र ७ छक्का प्रहार गरे । त्यस्तै राजेश रिमालले ४८ रन बनाए । उनले ३४ वलमा ४ चौका र ३ छक्का प्रहार गरे । उनीहरुवाहेक अन्यले दोहोरो रन बनाउन सकेनन् ।