विदुर ६ को क्रिकेट टिमलाई प्रायोजकको साथ

नुवाकोट । भोलिदेखि शुरु हुन लागेको प्रथम विदुर मेयर अन्तर वडास्तरीय ट्वान्टी–२० क्रिकेट प्रतियोगिताको लागि विदुर नगरपालिका वडा नम्बर ६ को टिमलाई शैक्षिक संस्था योङ लिडर्स इन्टरनेशनल एजुकेशनले प्रायोजन गरेको छ ।

काठमाण्डौको नयाँ बानेश्वरमा रहेको प्रायोजक संस्था योङ लिडर्स इन्टरनेशनल एजुकेशनले प्रयोजन गरेबापत वडाको टिमलाई आवश्यक खेलकुद सामाग्रीका साथै जर्सी ट्रयाकसुट लागयतको सामाग्री उपलब्ध गराउने सहमति भएको विदुर नगरपालिका वडा नम्बर ६ का वडाध्यक्ष श्यामकृष्ण चालिसेले जानकारी दिए ।

सुमह ए मा रहेको वडा नम्बर ६ ले उद्घाटन खेलमा वडा नम्बर १० को टिमसँग प्रतिष्पर्धा गर्नेछ । पिपलटारस्थिति बाग्मति प्रदेशस्तरीय रंगशालामा हुने प्रतियोगितामा विदुर नगरपालिकाका विभिन्न ११ टिमको सहभागिता रहेको छ ।

प्रतियोगिता लिगकम नकआउटका आधारमा खेलाईने छ । प्रतियोगिताको विजेताले ५० हजार र उपविजेताले २५ हजार रुपैयाँ मेडल, ट्रफी र प्रमाणपत्र हात पर्नेछ ।

प्रतियोगितामा उत्कृष्ट प्रर्दशन गर्ने खेलाडीहरुलाई नगदसहित सम्मान गरिने छ भने प्रत्येक खेलको म्यान अफ दि म्याचलाई समेत ५ सय रुपैयाँ प्रदान गरिने प्रतियोगिताको सहकार्य गरेको नुवाकोट क्रिकेट संघले जनाएको छ ।

अन्तिम टोलीको घोषणा

यसैविच विदुर नगरपालिका वडा नम्बर ६ ले विदुर मेयर कप अन्तर वडा स्तरीय क्रिकेट प्रतियोगितामा सहभागि हुन आफ्नो टोलीको घोषणा गरेको छ ।

जसमा अनिश रिमाल, चन्द्रदेव चौलागाई, बिक्रम लामिछाने, किशोर केशी, सशदेब अमात्य, प्रकाश रिमाल र मनिष रिमाल रहेका छन् । यस्तै अन्य खेलाडीहरुमा सुरज प्याकुरेल, प्रतिक भण्डारी, विकास रिमाल, सुनिल ढकाल, सुजन सुनार, दिप्सन रिमाल र मुकुन्द रिमाल रहेका छन् ।

त्यस्तै वैकल्पिक खेलाडीहरुमा राजेश अर्याल, किरन रिमाल र अश्विन रिमाल रहेका छन् ।

टोलीको प्रशिक्षकमा श्याम लामा र म्यानेजरमा सोम प्रसाद अर्याल रहेका छन् ।