आज बागमती प्रदेशमा सार्वजनिक बिदा

नुवाकोट । बागमती प्रदेशमा बुधवार सार्वजनिक बिदा छ।

प्रदेश सरकारको सरकारी कामकाजको भाषासम्बन्धी दिवसको अवसरमा बिदा दिने निर्णय गरेको प्रदेश सरकारले जनाएको छ।

प्रदेश सरकारी कामकाजी भाषा ऐन कार्यान्वयन भएको अवसरमा ‘भाषा दिवस’ मनाउने गरी प्रदेशभर सावजनिक बिदा दिएको आन्तरिक मामिला तथा कानून मन्त्रालयकी सूचना अधिकारी रविता कार्कीले जानकारी दिइन्।

गत वर्ष वैशाख २४ गते प्रदेश सरकारी कामकाजी भाषा ऐन- २०८० कार्यान्वयन भएको थियो। यससँगै नेपालीसँगै नेवार र तामाङ भाषालाई पनि बागमती प्रदेशको सरकारी कामकाजी भाषा बनेको थियो।