पूर्वराजाले शुभेच्छुकलाई टीका लगाइदिने

विदुर खबर २०७५ असोज २६ गते ३:५१

नुवाकोट असोज २६, पूर्वराजा ज्ञानेन्द्रले यस वर्ष सर्वसाधारणलाई टीका लगाइदिने हुनुभएको छ। गत वर्ष सर्वसाधारणलाई टीका नलगाइदिनुभएका पूर्वराजा ज्ञानेन्द्रले यो वर्ष विजया दशमीको दिन दिउँसो ३ बजेदेखि टीका लगाइदिने हुनुभएको हो।

Advertisement

निर्मलनिवासमा ११ बजेर ३७ मिनेटमा टीकाको साइत जुराइएको छ भने पूर्वराजा ज्ञानेन्द्रले आमा रत्नको हातबाट टीका ग्रहण गरेपछि निर्मल निवासमा आफन्तसँग टीका लगाउने कार्यक्रम तय भएको छ।

त्यसपछि दिउँसो ३ बजेदेखि निर्मल निवासमा शुभेच्छुकलाई टीका लगाइदिने कार्यक्रम तय भएको निर्मल निवासले जनाएको छ। यसै गरी मुम्बईमा रहनुभएका ज्ञानेन्द्रको निर्देशनपछि ज्ञानेन्द्रका सबै कर्मचारी दशैंको शुभकामना कार्ड बाँड्न अहिले व्यस्त रहेका छन्। घटस्थापना शुरू भएपछि कर्मचारीहरू कार्ड बाँड्न व्यस्त भएका हुन्।

Advertisement

ती कर्मचारीले राष्ट्रपति विद्यादेवी भण्डारी, प्रधानमन्त्री एवं नेकपाका अध्यक्ष केपी शर्मा ओली नेकपाका अध्यक्ष पुष्पकमल दाहाल, पूर्वप्रधानमन्त्रीदेखि सुरक्षा निकायका प्रमुख, पूर्वप्रधान सेनापतिहरू नेपाल प्रहरी र सशस्त्र प्रहरीका प्रमुखलगायत आफन्तलाई शुभकामना कार्ड वितरण गरिएको छ। फुलपाति अघिल्लो दिनसम्म कार्ड वितरण गरिने ती कर्मचारीले बताएका छन। पूर्वराजा ज्ञानेन्द्र फूलपातिको दिन नेपाल फर्कने कार्यक्रम तय भएको छ।

प्रतिक्रिया