नेप्से १०.७६ अंकले घट्यो, कारोवार रकम समेत खुम्चिंदा लगानीकर्ता निराश

नुवाकोट असोज १७, पूँजी बजारमा आज दोहोरो अंकले गिरावट आएको छ । आज सेयर बजार परिसूचक नेप्से १० दशमलब ७६ अंकले घटेर एक हजार २३० दशमलब ६० अंकमा पुगेर बजार बन्द भएको छ ।

मंगलबार नेप्सेमा दुई दशमलब ६९ अंकले बढेको थियो भने आइतबार नेप्से १० दशमलब ४७ अंक र सोमबार १८ दशमलब ०४ अंकले घटेको थियो । नेप्से संगै कारोवार रकममा समेत गिरावट आउँदा पूँजी बजारका लगानी कर्ताहरु निराश भएका छन् ।

आजको कारोवारमा ब्यापार र होटल समूहको बाहेक सबै समुहको परिसूचकमा भरि गिरावट आएको छ ।आज सबै भन्दा बढी निर्जीवन बीमा समूहको परिसूचक ५१ दशमलब ३८ अंकले, जीवन बीमा समूहको परिसूच ३७ दशमलब ४५ अंकले घटेको छ भने बाणिज्य बैंक १० दशमलब १२ अंक, विकास बैंक ११ दशमलब ५२ अंक, जलबिधुत १५ दशमलब १६ अंक, अन्य ८ दशमलब ७५ अंक र अघुबित्ता ९ दशमलब ७५ अंकले घटेको छ ।

यधपी, ब्यापार मूलक समूहको परिसूचक ४ दशमलब २२ अंकले र होटल ५ दशमलब ५६ अंकले बढेको छ । नेपाल स्टक एक्सचेन्जमा १६५ कम्पनीहरुको कारोवार भएको छ । जस अनुसार ४ हजार ७३८ कारोबारबाट ३७ करोड ४० लाख ४९ हजार ८७५ रुपैयाँ बराबरका १४ लाख ३६ हजार ५१२ कित्ता सेयरहरु खरिद बिक्री भएको नेपाल स्टक एक्सचेन्ज लिमिटेडले जनाएको छ । मंगलबार नेप्सेमा १७१ कम्पनीहरुको ४ हजार ८७७ कारोबारबाट ४५ करोड १९ लाख ९३ हजार ४८५ रुपैयाँ बराबरका २० लाख ३१ हजार ४९६ कित्ता सेयरहरु खरिद बिक्री भएका थिए ।