विदुर मेयर कप फुटवल : सेमिफाईनलका खेल स्थगित

नुवाकोट । बट्टारमा जारी विदुर मेयर कप फुटवल प्रतियोगिताको सेमिफाईनल खेल स्थगित भएको छ ।

लिखु गाउँपालिकाले प्रतियोगितामा विजेता र उपविजेता छनौटमा नुवाकोट फुटवल संघले त्रुटि गरेको भन्दै छानविन गरि विजेता र उपविजेता घोषणा गरिदिन माग गर्दे जिल्ला प्रशासन कार्यालय नुवाकोटमा उजुरी दिएपछि खेल स्थगित भएको हो ।

प्रशासनमा सरोकारवाला निकायहरुको छलफल पछिको निर्णयले सेमिफाइनल सुचारु गर्ने निर्णय भएपनि समय अभावको कारण खेल आजको लागि स्थगित भएको नुवाकोट फुटवल संघले जनाएको छ ।

संघका अनुसार स्थगित भएको सेमिफाईनल खेल शनिवार हुनेछन् भने फाईनल खेल आईतवार हुने छ ।

प्रतियोगिताका सेमिफाईनलमा म्यागङ गाउँपालिका र सुर्यगढी गाउँपालिकाविच प्रतिष्पर्धा हुने छ भने शिवपुरी र विदुर नगरपालिका विच खेल हुने छ ।