धादिङमा ट्रक दुर्घटना हुँदा एक जनाको मृत्यु

नुवाकोट । धादिङको खनियाबास गाउँपालिकाको वडा नम्बर ५ मा ट्रक दुर्घटना हुँदा एक जनाको मृत्यु भएको छ ।

र्दुघटनामा ३ जना घाइते भएका छन् । मृत्यु हुनेमा खनियाबास–५ सिमी बस्ने ४६ वर्षीय ल्वाङ लामा रहेकोे जिल्ला प्रहरी कार्यालय धादिङका प्रहरी उपरीक्षक गौतम मिश्रले जानकारी दिए ।

दाउरा बोकेको बा ५ ख ५९६३ नम्बरको ट्रक सडकबाट झन्डै ३० मिटर तल खसेर दुर्घटना भएका मिश्रले बताए ।

दुर्घटना परी मरु माया तामाङ, शर्मिला तामाङ र धनबहादुर तामाङ घाइते भएका छन् ।