नुवाकोटको बेलकोगढीमा भिरबाट लडेर एक जनाको मृत्यु

नुवाकोट । नुवाकोटको बेलकोटगढी नगरपालिकामा भिरबाट लडेर एक जना वृद्धको मृत्यु भएको छ ।

मृत्यु हुनेमा बेलकोटगढी नगरपालिका वडा नम्बर ११ ढाडेखर्क बस्ने बर्ष ६० का ज्ञान बहादुर तामाङ रहेको जिल्ला प्रहरी कार्यालय नुवाकोटले जनाएको छ ।

आईतवार विहान आफ्नै घरदेखि करिब १ किलोमिटरको दुरीमा रहेको गोरेटा भीर बाटोबाट लडेर उनको मृत्यु भएको जिल्ला प्रहरी कार्यालय नुवाकोटका डिएसपी खगेन्द्र वहादुर खड्काले जानकारी दिए ।

उनी भिरबाट लडेर करिव एकसय मिटर तल खहरे खोल्सामा पुगेका थिए । जिल्ला प्रहरी कार्यालय नुवाकोटबाट खटेको प्रहरी अधिकृत सहितको टोलीले आवश्यक कानूनी प्रक्रिया पुरा गरि लाश पोष्टमार्टमको लागि त्रिशुली अस्पताल ल्याइएको छ ।