त्रिशुली अस्पताल फेरि बाग्मति प्रदेशको उत्कृष्ट अस्पताल घोषित

नुवाकोट । नुवाकोटको त्रिशुली अस्पताल सम्पादित कार्य प्रगतिको मूल्यांकनका आधारमा बाग्मति प्रदेशको नम्बर वान अस्पताल बनेको छ ।

गत आर्थिक वर्ष २०७९÷०८० सालको न्यूनतम सेवा मापदण्ड तथा सम्पादित कार्य प्रगतिको मूल्यांकनका आधारमा त्रिशुली अस्पताल बाग्मति प्रदेशभर रहेका अस्पतालहरुमध्ये प्रथम हुन सफल भएको हो ।

स्वास्थ्य कार्यक्रमहरुको प्रदेशस्तरीय वार्षिक समिक्षा गोष्ठी कार्यक्रममा प्रथम भएका अस्पताललाई बागमती प्रदेश स्वास्थ्य मन्त्री उत्तम जोशीले अस्पतालका मेडिकल सुपरिटेण्डेन प्रतिक सिंहलाई प्रशंसा पत्र प्रदान गरेका हुन् ।

वार्षिक समिक्षा गोष्ठीमा दोस्रोपटक प्रदेशस्तरीय अस्पतालमा प्रथम भएको अस्पताल प्रशासनले जनाएको छ ।