धादिङमा जुवाको खालबाट ६ जना समातिए

नुवाकोट । धादिङमा जुवाको खालबाट ६ जना समातिए छन् ।

सोमावार राती प्रहरीको टोलीले जुवातास खेलिरहेको अवस्थामा ६ जनालाई पक्राउ गरेको हो । धादिङ निलकण्ठ नगरपालिका वडा नम्बर ३ एमाले चोक नजिक बस्ने आशिष श्रेष्ठको घरमा जुवातास खेलिरहेको अवस्थामा सोही ठाउँ बस्ने ३८ वर्षीय ईश्वर खतिवडा समेत ६ जनालाई सोमबार राति प्रहरीले पक्राउ गरेको छ । जिल्ला प्रहरी कार्यालय धादिङबाट खटिएको प्रहरी टोलीले उनीहरूलाई नगद ४२ हजार ८ सय २५ रूपैयाँ र ३ बुक ताससहित पक्राउ गरेको हो। घटनाका सम्बन्धमा प्रहरीले आवश्यक अनुसन्धान गरिरहेको छ ।