नुवाकोटको प्रमुख जिल्ला अधिकारीमा पौडेले

नुवाकोट । गृह मन्त्रालयले नुवाकोटसहित चार जिल्लाको प्रमुख जिल्ला अधिकारीको सरुवा गरेको छ ।

मन्त्रालयले मंगलबार गरेको निर्णय अनुसार नुवाकोट, चितवन, सप्तरी र धनुषाका प्रमुख जिल्ला अधिकारी फेरिएका छन् ।
नुवाकोटको प्रमुख जिल्ला अधिकारीमा सुरेन्द्र पौडेल जिम्मा दिइएको छ ।

उनी यसअघि चितवनमा सिडियोको रुपमा कार्यरत थिए । मन्त्रालयले नुवाकोटका सीडीओ किरण थापालाई सप्तरीको सीडीओ बनाएको छ ।