अपर तामाकोशीको शेयर मूल्य समायोजन

विदुर खबर २०८० साउन २५ गते १७:४७

नुवाकोट । नेपाल स्टक एक्सचेन्ज नेप्सेमा अपर तामाकोशी हाइड्रोपावर लिमिटेडको शेयर मूल्य समायोजन भएको छ । कम्पनीको शत प्रतिशत हकप्रदमा मुल्य समायोजन भएको हो ।

समायोजनपछि कम्पनीको शेयर मूल्य प्रति कित्ता २४३ रुपैयाँ ५ पैसा कायम भएको छ । समायोजन अघि कम्पनीको शेयर मूल्य ३८६ रुपैयाँ १० पैसा थियो ।

कम्पनीले हकप्रद निष्काशनको लागि साउन २६ गते बुक क्लोज गर्ने निर्णय गरेकोले आज साउन २५ गतेसम्म कायम शेयरधनीले मात्र कम्पनीको हकप्रदमा आवेदन दिन सक्ने छन् । आज साउन २५ गतेको कारोबार समय सकिएपछि कम्पनीको मूल्य समायोजन भएको हो।

अपर तामाकोशीले १:१ को अनुपातमा अर्थात १ कित्ता शेयर बराबर १ कित्ता शेयरका दरले शतप्रतिशत हकप्रद जारी गर्न लागेको हो । कम्पनीले प्रति शेयर १०० रुपैयाँको दरले हुने दश अर्ब उनान्साठ्ठी करोड रुपैयाँ बराबरको १० करोड ५९ लाख कित्ता हकप्रद शेयर निष्काशन गर्न लागेको हो।

नेपाल धितोपत्र बोर्डले असार २२ गते कम्पनीलाई हकप्रदको लागि अनुमति प्रदान गरेको हो । कम्पनीले हकप्रद निष्काशनको लागि बिक्रि प्रबन्धक र सह बिक्रि प्रबन्धक चयन गरिसकेको छ । कम्पनीले नागरिक लगानी कोषलाई बिक्रि प्रबन्धक र सनराइज क्यापिटललाई सह बिक्रि प्रबन्धक नियुक्त गरेको हो ।

कम्पनीले हकप्रद निष्काशनको लागी अर्को साता आह्वानपत्र सार्वजनिक गर्ने र करिब भदौको दोस्रो सातादेखि हकप्रद निष्काशन गर्ने तयरी गरेको छ ।