विदुर नगरपालिकाले डेंगी रोकथामका लागि ‘खोज र नष्ट’ अभियान सञ्चालन गर्ने

नुवाकोट । विदुर नगरपालिकाले भोली मंगलबारबाट नगरपालिका भर डेंगु रोकथाम र नियन्त्रणका लागि विशेष अभियान सञ्चालन गर्ने भएको छ ।

आईतबार नगरपालिकाको बैठककक्षमा सम्पन्न डेंगु रोकथाम र नियन्त्रण सम्बन्धी सर्वपक्षिय बैठक एवं अन्तरक्रियामा नगर क्षेत्रका सबै पक्षको सहभागितामा बिशेष अभियान सञ्चालन गर्ने निर्णय गरिएको हो ।

त्यसक्रममा बिटर नगरपालिकाका प्रमुख राजन श्रेष्ठ र रभा बोगटीले डेंगु रोकथाम र लागि नगरपालिका आवश्यक सबै अवलम्बन गर्न तयार रहेको बताउँदै यो अभियानलाई सार्थक बनाउन समाजका सबै पक्षको ऐक्यबद्धता अपेक्षित रहेको धारणा व्यक्त गरे ।

नुवाकोटका प्रहरी प्रमुख प्रहरी उपरीक्षक रमेश पण्डित, विदुर नगरपालिका वडा नम्बर ७ का वडा अध्यक्ष रबिन्द्र नेपाल, वडा नम्बर ८ का वडा अध्यक्ष कमल श्रेष्ठ, वडा नम्बर १० का वडा अध्यक्ष गणेशकुमार र नगरपालिकाका स्वास्थ्य शाखा प्रमुख पूर्णध्वज श्रेष्ठले डेंगु रोकथाम र नियन्त्रणका लागि अपनाईनुपर्ने रणनीतिहरूका बारेमा आ–आफ्नो धारणा व्यक्त गरेका थिए ।

कार्यक्रममा स्वास्थ्य कार्यालय नुवाकोटका फोकल पर्सन कृष्णप्रसाद रिजालले डेंगु रोकथाम र नियन्त्रणका लागि भए गरेका काम र जिल्लाको अवस्थाको बारेमा जानकारी दिएका थिए ।