चेताङका पहिरो पिडितलाई प्रदेश ३ का उपसभामुख राधिका तामाङ र प्रतिनिधिसभाका सांसद हितबहादुर तामाङद्धारा राहात सामाग्री वितरण

नुवाकोट भदौ ३१,  गत बुधबार दुप्चेश्वर गाउँपालिका वडा नम्बर १ घ्याङफेदी स्थित पहिरो गएर विस्थापित भएका चेताङ गाउँका पहिरो पीडितहरुलाई नेकपाका नेताहरुले राहत सामग्री बितरण गरेका छन् । ।
आज प्रदेश नम्बर ३ का उपसभामुख राधिका तामाङ र सांसद हितबहादुर तामाङको तर्फबाट राहत सामाग्री वितरण गरिएको हो । पहिरोबाट पूर्ण क्षेती भएको ११ घरपरिवारका लागि खाना पकाउने, खाने भाँडा सेट र सिरक, डसना, तकिया सहित ओड्ने ओछ्याउने सेट साँसद हितबहादुर तामाङ स्वयमले पीडित परिवारलाई हस्तान्तरण गर्नुभएको छ भने खाद्य सामग्रीहरु स्थानीय सरकार, प्रहरी र स्थानीय पार्टीका प्रतिनिधीहरुको रोहवरमा वितरण गर्ने गरी एकमुष्ठ रुपमा हस्तान्तरण गरिएको छ ।

चामाल २ हजार केजी, दाल १ सय ५० केजी, तेल ७६ लिटर, नुन सय केजी सांसद हितबहादुर तामाङ र उपसभामुख राधिका तामाङ स्वयमले उपलब्ध गराउनुभएको र चिउरा ८० केजी, दालमोड, कपडा र भाँडाकुडा अन्य सहयोगीहरुबाट संकलन गरिएको वितरण टोलीका सदस्य तथा नेकपाका युवा नेता डिवि तामाङले जानकारी दिनुभएको छ ।

हेलिकप्टरको भार क्षमताका कारण सबै खाद्यान्न एकैचोटी पहिरो पीडित समक्ष लैजान नसकी एयरपोर्टमै छाडिएको र केही समय पछि अन्य माध्यमबाट पठाउने तयारी गरिएको नेकपाका युवा नेता तामाङले बताउनुभएको छ । नेकपाका नेताहरुबाट नेपाली सेनाको हेलिकप्टर मार्फत पहिरोबाट बिस्थापति भएका पीडितहरु बसेको स्थान घ्यावरचौरमा पुगी पीडित परिबारलाई राहत बितरण गरिएको छ ।
यस्तै, पहिरो प्रभावित क्षेत्र अत्यन्तै दुर्गम भएको र बाढी पहिरोको कारण मोटर बाटोको असुविधाले गर्दा स्थानीय सरकार र जिल्ला प्रशासन कार्यालयबाट गरिने राहत र सेवा प्रवाहमा कठिनाई भइरहेकोले आफूहरुले तत्कालीन समस्या टार्न राहत बितरण गरिएको नेकपाका नेताहरुले बताएका छन् ।