बुधसिंङघाटमा बोलेरो र स्कुटर ठोक्किँदा दुईजना घाइते

नुवाकोट । नुवाकोटको बुधसिंङघाटमा बोलेरो र स्कुटर ठोक्किँदा दुईजना घाइते भएका छन् ।

घाइते हुनेहरुमा बेलकोटगढी नगरपालिका वडा नम्बर ३ को निरमाया तामाङ र वडा नम्बर ६ का किरण ढुङ्गाना रहेको जिल्ला प्रहरी कार्यालय नुवाकोटले जनाएको छ ।

उनीहरुको स्थानिय अस्पतालमा सामान्य उपचार गरेपछि थप उपचारको लागि काठमाण्डौ पठाइएको छ ।

घाइते हुनेहरु मेरो माइक्रोफाइनान्स महादेवफाट शाखाका कर्मचारी रहेको बुझिएको छ ।