माझिटारमा मोटरसाईकल दुर्घटना हुँदा एकजना घाइते

नुवाकोट । नुवाकोटको विदुर नगरपालिका वडा नम्बर ५ माझिटारमा मोटरसाईकल दुर्घटना हुँदा एक जना घाइते भएका छन् ।

घाइते हुनेमा विदुर नगरपालिका वडा नम्बर ५ पिपलटारका १९ वर्षिय नविन कुमाल रहेको जिल्ला प्रहरी कार्यालय नुवाकोटले जनाएको छ ।

गंगटेबाट पिपलटारतर्फ गइरहेको मोटरसाईकल र विपरित दिशाबाट आइरहेको हाक्ति गाडी एक आपसामा ठोक्किँएका हुन् ।

घाइते कुमालको विदुरको चक्रदेव अस्पतालमा उपचार भइरहेको प्रहरीले जनाएको छ । उनकोे हात खुट्टा र मुखमा चोटपटक लागेको छ ।

र्दुघटनापछि प्रहरीले गाडीको सवारी चालकलाई नियन्त्रणमा लिएको छ । र्दुघटनाको कारण भने अझै खुलन सकेको छैन ।

घटनाको विषयमा थप अनुसन्धान भइरहेको प्रहरीले जनाएको छ ।