समाजसेवी घिमिरेले ८० वर्षिय बृद्धलाई ह्वीलचियर उपलब्ध गराए

नुवाकोट । नुवाकोटको तारकेश्वर गाउँपालिका वडा नम्बर १ का समाजसेवी सुदिप घिमिरेले बेलकोटगढी नगरपालिका वडा नम्बर ८ पार्बतीचौरका ८० बर्षिय हरिबहादुर अधिकारीलाई व्यक्तिगत खर्चमा ह्वीलचियर उपलब्ध गराएका छन् ।

सुलभ फार्मेसी बट्टारको पहलमा प्यारालाईसिस भएका अधिकारीलाई घरमै पुगेर समाजसेवी घिमिरेले ह्वीलचियर वितरण गरेका हुन् ।

शरिरीकरुपमै अशक्त अधिकारीलाई हिडडुल गर्न सहजताका लागि एक थान ह्वीलचियर उपलब्ध गराएको घिमिरेले बताए । विगत ५ वर्षदेखि प्यारालाईसिस भएका अधिकारीलाई दैनिक कार्यहरु गर्न समेत असहज भएको र आर्थिक अवस्था समेत नाजुक रहेकोले उनको घरमै पुगेर ह्वीलचियर वितरण गरेको समाजसेवी घिमिरेले विदुर खबरलाई बताए ।

ह्वीलचियर पाएपछि अधिकारीले आफूहरुलाई खुट्टानै दिएको भन्दै अव टाढाटाढा जान आउन साथै क्षमताले भ्याएसम्मका दैनिक क्रियाकलाप गर्न सकिने बताए । उनले ह्वीलचियर नै आफूहरुको खुट्टा भएको भन्दै सहयोगीलाई धन्यवाद दिए । प्यारालाइसिस भएका कारण एउटै कोठामा बसेर जीवन जिउन बाध्य भएका अधिकारी वृद्धाश्रममा पहिलो खाटमै बसेर दिनरात काट्न बाध्य बाध्य थिए ।

यसअघि घिमिरेले विभिन्न स्थानमा निशुल्क स्वास्थ्य शिविरको आयोजना गर्नुको साथै कोरोना महामारीको समयमा निशुल्क अक्सिजन वितरणको अभियान चलाएका थिए ।

उनले आगामी दिनहरुमा पनि असहाय, गरिव र दिन दुखीको लागि सहयोग गर्ने बताएका छन् ।

 

सम्बन्धित समाचार

घिमिरेको सहयोगमा निशुल्क सुगर परिक्षण कार्यक्रम सम्पन्न