गर्मी बढेपछि नुवाकोटका निजि विद्यालय पाँच दिन बन्द

विदुर खबर २०८० जेठ २१ गते १६:३१

नुवाकोट । गर्मी बढेपछि नुवाकोटका निजि विद्यालयहरुले ५ दिन विदा दिने निर्णय गरेका छन् ।

Advertisement

निजि तथा आवासीय विद्यालय अर्गनाइनेजशन नेपाल (प्याप्सन) जिल्ला कार्यसमिति नुवाकोटले आईतवार एक विज्ञप्ती जारी गर्दे नुवाकोटमा अत्याधिक गर्मी बढेको र त्यसले बालबालिकाको स्वास्थ्यमा असर पर्नसक्ने भन्दै जेठ २२ गते सोमवारदेखि २६ गतेसम्म विदा दिने निर्णय गरेको प्याप्सन नुवाकोटका अध्यक्ष तारावहादुर कार्कीले जानकारी दिए ।

उनले गर्मीको कारण पठनपाठन गर्न धेरै समस्या भएकोले बर्खे विदाबाट मिलान हुने गरि विद्यालयहरु पाँच दिन बन्द गर्न लागेको बताए ।

Advertisement

नुवाकोटमा एक सातायता अधिकतम तापक्रम ३४ डिग्रीभन्दा माथि पुगेको छ । भौतिक संरचना राम्रो नभएका कतिपय विद्यालयमा विद्यार्थीहरु बेहोस हुने, विरामी हुने जस्तो अवस्था देखिएपछि विद्यालयहरु केही दिन विदा गर्न सरोकारवालाहरुले माग गर्दै आएका छन् ।

प्रतिक्रिया