नुवाकोटमा बस दुर्घटना हुँदा १८ जना घाइते

विदुर खबर २०७९ मंसिर २४ गते १९:४९

नुवाकोट ।  नुवाकोटको विदुर नगरपालिका–१० भैंसेमा दुई वटा बस ठोक्किँदा १८ जना घाइते भएका छन् भने ७ जना यात्रु सख्त घाइते भएका छन् ।

Advertisement

घाइते सबैको जिल्ला अस्पताल त्रिशूलीमा उपचार भइरहेको प्रहरीले जनाएको छ । दुवै बस रसुवाको बेत्रावतीबाट आएका थिए । त्रिशूली–बेत्रावती सडक खण्डमा पर्ने विदुर नगरपालिका– १० तिरतिरेभीरमा निर्माण कार्य भइरहेकाले सडक बन्द गरिएको थियो ।

सडक बन्द भएका कारण त्रिशूली नदीपारिको वैकल्पिक सडकबाट जानको लागि बा ४ ख ८८२ नम्बरको बस मोड्दै गर्दा सोही दिशा बेत्रावतीबाटै आएको अर्को प्रदेश ३ ०१००५ ख ९३५४ नम्बरको बसले ठक्कर दिँदा दुर्घटना भएको जिल्ला प्रहरी कार्यालयका सूचना अधिकारी तथा डिएसपी रुपक खड्काले जानकारी दिए ।

Advertisement

प्रदेश ३ ०१००५ ख ९३५४ नम्बरको बस सडकमै पल्टेको छ । दुवै बस पासाङल्हामु यातायात व्यवसायी समितिको रहेका छन् । सख्त घाइते भएका यात्रुहरु उपचारको लागि जिल्ला अस्पताल त्रिशूली पठाइएको छ ।

प्रतिक्रिया