नुवाकोटकी विमला सुवेदी सांसद बन्ने पक्का

नुवाकोट । नेकपा माओवादी केन्द्रकी नेतृ तथा पुर्व सभासद विमला सुवेदी प्रतिनिधिसभा सदस्य बन्ने भएकी छिन् ।

नेकपा माओवादी केन्द्रले समानुपातिक तर्फबाट सुवेदीलाई प्रतिनिधिसभामा पठाउन सिफारिस गरेसँगै उनी सांसद बन्ने निश्चित भएको हो ।

सुवेदीलाई माओवादीले खसआर्यको कोटाबाट सांसद बनाउन लागेको हो । नेकपा माओवादी नुवाकोटले समानुपातिकमा दुबै क्षेत्रबाट सुवेदीको नाम सर्वसहमत रुपमा सिफारिस गरेको थियो ।

यससँगै नुवाकोटबाट संघिय संसदमा माओवादीका २ जनाले प्रतिनिधित्व गर्ने भएका छन् । यसअघि नुवाकोट क्षेत्र नम्बर १ बाट नेता हितवहादुर तामाङ विजयी भएका छन् ।

नेकपा माओवादी केन्द्रले सुवेदीलाई नुवाकोट क्षेत्र नम्बर २ को चुनावी कमान्डर समेत तोकेको थियो ।