नुवाकोटमा एक लाखले भोट हालेनन्

विदुर खबर २०७९ मंसिर १९ गते ८:५८

नुवाकोट । नुवाकोटका एक लाख भन्दा बढी मतदाता यसपटकको चुनवामा मतदान गर्न सहभागी नै भएनन् ।

Advertisement

यो भनेको करिब ५० प्रतिशत हो । जिल्ला निर्वाचन कार्यालय नुवाकोटका अनुसार २ लाख ३९ हजार ७२६ मतदातामा ५४.३ प्रतिशतले मतदान गरे । ५८ हजार ४३ महिला, ७१ हजार ५९७ पुरुष र तेस्रो लिंगी १ जना गरी कुल १ लाख २९ हजार ६५१ मतदाताले मतदान गरे ।

कुल मतदाताअनुसार नुवाकोट जिल्लाको १२ वटै स्थानीय तह मध्ये म्यागङ गाउँपालिकामा सबैभन्दा बढी र शिवपुरी गाउँपालिकामा सबैभन्दा कम मतदान गरे । म्यागङमा ५८.७५ प्रतिशतले मात्र मतदान गरे । १२ हजार ७४९ मतदाता रहेकोमा महिला ३ हजार ७३८ र पुरुष ३ हजार ५१८ गरी कुल ७ हजार २५६ जनाले मतदान गरे ।

Advertisement

शिवपुरी गाउँपालिकामा ४८.७३ प्रतिशतले मात्र मतदान गरेका छन् । २० हजार ६२७ मतदाता रहेकोमा महिला ४ हजार २२०, पुरुष ५ हजार ८३२ र १ तेस्रोलिंगी गरी कुल १० हजार ५३ जनाले मतदान गरेका छन् ।

जिल्ला प्रहरी कार्यालय र कारागार कार्यालयमा रहेको अस्थायी केन्द्र मार्फत् १३.१४ प्रतिशतले मात्र समानुपातिक मत जाहेर गरेका छन् । कुल ९८९ मतदाता रहेकोमा महिला ९ र पुरुष १२१ गरी कुल १३० जनाले मात्र मतदान गरे ।

Advertisement

मतदानको लागि २ संघ र ४ प्रदेश सभाका लागि नुवाकोटमा २ सय ८८ मतदान केन्द्र र १३२ मतदानस्थल थियो ।

प्रतिक्रिया