नुवाकोटको शिवपुरीबाट बन्दुकसहित वृद्ध पक्राउ

नुवाकोट । नुवाकोटको शिवपुरी गाउँपालिकामा अवैध रूपमा राखिएको बन्दुकसहित आईतवार एक वृद्धलाई प्रहरीले पक्राउ गरेको छ ।

शिवपुरी गाउँपालिका वडा नम्बर ३ नयाँगाउँ घर भएका स्थानीय ६० वर्षीय हर्कबहादुर तामाङलाई दुई थान भरूवा बन्दुक र त्यसमा प्रयोग गरिने करिव एक किलोग्राम बारूदसहित पक्राउ गरिएको जिल्ला प्रहरी कार्यालय नुवाकोटले जनाएको छ ।

पक्राउ परेका उनलाई जिल्ला प्रहरी कार्यालयको हिरासतमा राखिएको प्रहरी नायव उपरीक्षक रूपक खड्काले जानकारी दिए ।

डीएसपी खड्काका अनुसार विशेष सूचनाका आधारमा पक्राउ गरिएको हो ।