जनताले दिएको मतको दुरुपयोग हुन दिन्न : शुशिल खड्का

नुवाकोट । नेकपा एमाले नुवाकोटका युवा नेता तथा नुवाकोट क्षेत्र नम्बर १ को प्रदेश (क) का उम्मेद्धवार शुशिल खड्काले जनताले दिएको मतको दुरुपयोग हुन नदिने बताएका छन ।

आईतवार नुवाकोट क्षेत्र नम्बर १ को निर्वाचन कार्यालय खरानीटारमा आयोजित कार्यक्रमलाई सम्बोधन गर्दे खड्काले जनताले दिएको मतको कदर गर्दै आफुले खराव काम नगर्ने बताएका हुन् ।

उम्मेद्धवारी दर्ताको क्रममा खड्काले सम्बोधन गर्दै दोस्रो पटक आफु प्रदेशको उम्मेद्धवार बनेर नआउने समेत व्यक्त गरे । गफभन्दा बढी काम गर्ने खड्काले आफुलाई जनताले जितेर पठाए आफ्नो निर्वाचन क्षेत्रको प्रत्येक वडामा रहेका माध्यामिक विद्यालयलाई अंग्रेजी माध्यममा पठाउने स्कुल बनाउने बताए ।

खड्काले आफुले नेतृत्व गरेको पार्टीले जितेमा वडामा रहेका गरिव तथा असाहयहरु भेटिएमा सरकारले दिएको तलव भत्ता थपेर आफुले सहयोग गर्ने बताए । उनले कोही पनि व्यक्तिहरु दुखमा परेको अवस्थामा आफुले सहयोग गर्ने र उनीहरुको लागि प्रत्येक वडामा सेफ हाउस बनाउने प्रतिवद्धता व्यत्त गरे ।

म राजनितिमा पैसा पद र पतिष्ठाको लागि आएको हैन, म विशुद्ध समाजसेवा गर्न आएको हुँ खड्काले भने । उनले वस्नको लागि आफुसँग घर र चढ्नको गाडी रहेको भन्दै पैसा कमाउनु आफुनो उदेश्य नरहेको समेत बताए ।

फरक प्रसंगमा खड्काले आफु एमाले छाडेर जाने हल्ला चलाईएको भन्दै जति बाँच्छु एमाले नै भएर बाँच्ने समेत बताए ।
उनले सुखमा नभएर दुखमा सम्झन समेत सबैलाई आग्रह गरे ।