६ वर्षमा नेपालीले १ अर्ब ३१ करोडको तास खेले

नुवाकोट । वितेका ६ बर्षमा नेपालीले चाडपर्व तथा अन्य समयमा झण्डै डेढ अर्ब रुपैयाँ बराबरको तास खोलेको पाइएको छ ।

भन्सार विभागको तथ्याङक अनुसार आर्थिक बर्ष २०७३÷७४ देखि आव २०७८÷०७९ सम्म एक अर्ब ३१ करोड रुपैयाँको तास आयात भएको हो । खासगरी नेपालमा चाडपर्वको बेलामा तास (प्लेइङ कार्ड)को प्याकेटको माग उच्च हुने गरेको छ ।

दशैंतिहारमा कतिपयले जुवाका रुपमा त कतियले रमाइलोको रुपमा मात्रै तास खेल्ने प्रचलन छ ।