नुवाकोट निर्माण व्यवसायी संघका पदाधिकारीद्धारा सपथग्रहण

नुवाकोट । निर्माण व्यवसायी संघ नुवाकोटका नव निर्वाचित पदाधिकारीहरुले शनिवार सपथ ग्रहण गरेका छन् ।

संघको कार्यालय विदुरमा एक कार्यक्रमको आयोजना गरि नव निर्वाचित पदाधिकारीहरुले सपथग्रहण गरेका हुन् ।

संघको ९ औ जिल्ला अधिवेशनबाट निर्वाचित भएका अध्यक्ष शैलेन्द्रराज प्याकुरेललाई म्ख्य निवौचन अधिकृत पवन राज खड्काले सपथ खुवाएका थिए भने अन्य पदाधिकारीलाई नवनिर्वाचित अध्यक्ष प्याकुरेलले सपथ खुवाएका थिए ।

सपथग्रहण लगत्तै संघका निर्वतमान अध्यक्ष सुमन अधिकारीले अध्यक्ष प्याकुरेललाई आफ्नो कुर्सीमा लगेर बसाएका थिए । अध्यक्षमा निर्वाचित प्याकुरेलले सबै निर्माण व्यवसायीहरुलाई एकताबद्ध गरेर लैजाने बताए । उनले साना निर्माण व्यवसायीको हकहितको लागि सदैव निर्माण व्यवसायी संघ लागीपर्ने बताए ।

संघको शुक्रवार भएको अधिवेशनमा महासचिव वाहेक सबै पदमा प्याकुरेल समुहका उम्मेद्धवार विजयी भएका थिए ।

महासचिवमा कृष्ण प्रसाद थपलिया सुमहका शुशिल फुयाँल विजयी भएका थिए ।