नुवाकोटमा पहिलोपटक बालसाहित्य महोत्सव हुने

नुवाकोट । नुवाकोटमा आगामी असोज ४ र ५ गते पहिलो पटक बाल साहित्य महोत्सव हुने भएको छ ।

रुडेक नुवाकोट, नेपाल बाल साहित्य समाज र रुम टु रिडको आयोजनामा महोत्सव हुन लागेको हो । बाल दिवसको साताव्यापी कार्यक्रमक अन्र्तगत बाल साहित्य महोत्सवको आयोजन लागिएको आयोजकले बताएका छन् ।

विद्यालय, समाज र परिवारमा पठन संस्कृतिको विकास गर्ने, शिक्षा, साहित्य, कला र विकासवारे बहस गर्ने उदेश्यलेख बाल साहित्य महोत्सव आयोजना लागिएको बुधवार विदुरमा आयोजित पत्रकार सम्मेलनमा आयोजक संस्था रुडेक नेपालका अध्यक्ष मिन कुमार केसीले जानकारी दिए ।

नुवाकोट आर्दश बहुमुखी क्याम्पसमा हुने महोत्सव शिक्षामन्त्रि देवेन्द्र पौडेल, नेपाल प्रज्ञा प्रतिष्ठानका उपकुलपति डा. जगमान गुरुङ लगायतलाई आमन्त्रण गरिएको केसीले विदुर खबरलाई जानकारी दिए ।

महोत्सवमा मुख्य वत्ताको रुपमा प्रा.डा. विद्यानाथ कोइराला लगायतको उपस्थिति रहने बताइएको छ । महोत्सवमा नेपालका प्रसिद्ध लेखक,कवि, चित्रकार, कलाकर्मी, शिक्षाप्रमी र साहित्यकारहरुको जमघट हुने आयोजकले दाबी गरेको छ ।

महोत्सवमा झण्डै ५ सयभन्दा बढी व्यक्तिहरुको उपस्थिति रहने अनुमान गरिएको छ । महोत्सलाई जिल्ला समन्वय समिति नुवाकोट, शिक्षा विकास तथा समन्वय इकाई नुवाकोट, विदुर नगरपालिका, सुर्यगढी गाउाँपालिका, शिवपुरी गाउँपालिका, पन्चकन्या गाउँपालिका र नुवाकोट आर्दश बहुमुखी क्याम्पस लगायतले सहयोग गरेका छन् ।