नुवाकोट होटल संघले “साप्ताहिक अभियान” शुरु गर्ने 

नुवाकोट । नुवाकोट होटल तथा रेष्टुरेन्ट व्यवसायी संघले सदस्य नविकरण तथा नयाँ सदस्य थप गर्नको लागि साप्ताहिक अभियान गर्ने भएको छ ।

आज वसेको संघको बैठकले जिल्लाका सबै होटल तथा रेष्टुरेन्टहरुलाई संघमा आबद्द गर्ने र संघमा आबद्द भएका पुराना होटलहरुको नविकरण गर्नको लागि साप्ताहिक अभियान शुरु गर्ने नुवाकोट होटल तथा रेष्टुरेन्ट व्यवसायी संघका महासचिव रविन्द्र चालिसेले जानकारी दिए ।

अभियान जिल्लाका सबै गाउँपालिकामा केन्द्रित हुने उनले बताए । अभियानका क्रममा जिल्लाका सबै होटल व्यवसायीहरुको समस्या तथा गुनासोहरु समेत टिपेर सरोकारवालाहरुसँग छलफल समेत गर्ने बैठकले निर्णय गरेको छ ।