विदुर खानेपानी उपभोक्ता समितिका पदाधिकारीले सपथ खाए

नुवाकोट । विदुर खानेपानी उपभोक्ता समितिका नव निर्वाचित पदाधिकारीहरुले सपथग्रहण गरेका छन् ।

शुक्रवार समितिको कार्यालय विदुरमा नवनिर्वाचित अध्यक्ष संजीव श्रेष्ठलाई मुख्य निर्वाचन अधिकृत जयप्रसाद गौतमले सपथ खुवाएका थिए भने अन्य पदाधिकारी र सदस्यहरुलाई अध्यक्ष संजीव श्रेष्ठले सपथ खुवाएका थिए ।

सपथग्रहण गर्दै विदुर खानेपानी उपभोत्ता समितिका नव निर्वाचित अध्यक्ष संजीव श्रेष्ठले अब विदुरवासीलाई स्वस्च्छ र सफा पानी घरघरमा पुराउनेमा आफ्नो योजना रहेको बताए । उनले आम उपभोत्ताको चाहाना र गुनासोलाई सम्बोधन गर्न आफ्नो टिम सधैँ लागिपर्ने बताए ।

यसअघि शुक्रवार विहान सम्पन्न मतगणना अनुसार नेपाली कांग्रेस, नेकपा माओवादी केन्द्र र एकिकृत समाजवादीको गठबन्धनका उम्मेद्धवारलाई पराजित गरि एमाले–राप्रपाका साझा उम्मेद्धवार संजीव श्रेष्ठको प्यानल नै विजयी भएको थियो ।

उपाध्यक्षमा भने गठबन्धनका उम्मेद्धवार नमराज न्यौपाने विजयी भएका छन् ।