डा. प्रकाशशरण महत काठमाडौं क्षेत्र नं ५ वाट सर्वसम्मत सिफारिस

नुवाकोट । नेपाली कांग्रेस काठमाडौं क्षेत्र नं ५ वाट नेपाली कांग्रेसले पार्टी प्रवक्ता डा प्रकाशशरण महतलाई सर्वसम्मत उम्मेदवार सिफारिस गरेको छ ।

पार्टी क्षेत्रिय समितिले डा.महतको नाम सर्वसम्मतिले संघिय सांसदको उम्मेदवारमा सिफारिस गरेको हो ।

क्षेत्रिय समितिले वैकल्पीक उम्मेदवारको रुपमा क्षेत्र नं ५ का सभापति श्याम खड्काको नाम पठाएको छ भने आकांक्षीहरुमा प्रेम वहादुर खड्का दामोदर खड्का रमेश खड्का लगाएको नाम पठाएको छ ।

विसं २०३५ देखि काठमाडौं–३ बाँसबारीमा बसोबास गर्दै आएका कांग्रेस नेता महतले यस क्षेत्रभित्रका नगरहरूलाई व्यवस्थित र सुन्दर सहरका रूपमा विकास गर्न सडक निर्माण, स्तरोन्नति, खानेपानी, ढल तथा फोहर व्यवस्थापन, सार्वजनिक शौचालय, व्यवस्थित प्रतिक्षालय, पार्किङस्थल र बजारको व्यवस्थित विकासका लागि निरन्तर क्रियाशील रहने प्रतिबद्धता व्यक्त गरेका छन्।

नेता महतले बूढानीकण्ठमा अवस्थित पौराणिक, ऐतिहासिक र धार्मिकस्थलको बृहत्तर र सुव्यवस्थित विकास तथा रानीवन क्षेत्रलाई संरक्षण गरी व्यवस्थित नमूना पार्क निर्माण गरी समुदायको हितमा प्रयोगमा ल्याउने योजना अघि सारेका छन्।

काठमाडौं क्षेत्र नं ५ मा काठमाडौं महानगरपालिकाका वडाहरू २, ३, ४ र ५ तथा टोखा नगरपालिकाका वडाहरू २, ३, ४, ५, ६ र ७ पर्छन् । त्यस्तै बूढानीलकण्ठ नगरपालिकाका ३, ४, ५, ६ र ७ पनि यस क्षेत्रअन्तर्गत पर्छन्।

त्यस्तै महत २०७४ मा एमालेका वरिष्ठ उपाध्यक्ष ईश्वर पोखरेलसँग पराजित भएका थिए ।