नुवाकोटमा जय महांकालको कार्यालय उद्घाटन

नुवाकोट । जय महांकाल युवा समुह नुवाकोटको कार्यालय उद्घाटन गरिएको छ ।

बुधवार विदुर नगरपालिका वडा नम्बर ५ का वडाध्यक्ष लिलानाथ न्यौपाने, जय महांकाल युवा समुहका केन्द्रिय अध्यक्ष लिलानाथ भण्डारी लगायतले कार्यालयको संयुत्त रुपमा उद्घाटन गरेका हुन् ।

कार्यक्रममा बोल्दै विदुर नगरपालिका वडा नम्बर ५ का वडाध्यक्ष लिलानाथ न्यौपानेले युवाहरुको हात समाजसेवामा लाग्नु सुखल पक्ष रहेको बताए । उनले महांकाल युवा समुहले जिल्लाको विभिन्न ठाउँमा उदाहरणीय काम गरेको बताए ।

यस्तै महांकाल युवा समुह नुवाकोटका अध्यक्ष रवि थपलियाले महांकाल युवा समुहले जिल्लाको विभिन्न मठ–मन्दिरमा पुगेर सरसफाई तथा स्वस्च्छ पानी वितरण गर्नुका साथै दिनदुखीलाई राहात वितरण गरेको बताए ।

महांकाल युवा समुह नुवाकोटले आगामी दिनमा विभिन्न पालिका र वडामा समेत युवाहरुको समुह बनाइ काम गर्ने लक्ष्य लिएको महांकाल युवा समुह नुवाकोटका सचिव कपिल गजुरेलले बताए ।

कार्यक्रममा विभिन्न सरोकारवालाहरुको उपस्थिति रहेको थियो । जय महांकाल युवा समुह नुवाकोट जिल्ला प्रशासन कार्यालय नुवाकोटमा विधिवत रुपमा दर्ता भएको छ ।