मंसिर ३ गते १८ वर्ष पुग्नेले मतदान गर्न पाउने

नुवाकोट । निर्वाचन आयोगले मंसिर ३ गतेसम्म १८ वर्ष पुग्ने व्यक्तिहरूले मंसिर ४ मा हुने प्रतिनिधिसभा तथा प्रदेशसभा निर्वाचनमा भोट हाल्न पाउने जनाएको छ।

तर यसका लागि साउन १९ गतेसम्म मतदाता नामावलीमा नाम दर्ता गरेको हुनुपर्ने आयोगको भनाइ छ।

‘मिति २०७९/०४/१९ गतेसम्म मतदाता नामावलीमा नाम दर्ता गराएका व्यक्तिहरूमध्ये निर्वाचन हुने अघिल्लो दिन (२०७९/०८/०३) मा १८ वर्ष उमेर पुग्ने व्यक्तिहरूले प्रतिनिधि सभा सदस्य तथा प्रदेश सभा सदस्य निर्वाचनमा मतदान गर्न पाउने छन्,’ आयोगले आइतबार जारी गरेको विज्ञप्तिमा उल्लेख छ।

यस अघि आयोगले आउँदो मंगसिर ४ गते संघीय तथा प्रदेश सभाहरुको चुनाव हुने मिति घोषणा गरिसकेको छ।