तारकेश्वर गाउँपालिकाको प्रशासकिय भवन निर्माण शुरु हुने

नुवाकोट । नुवाकोटको तारकेश्वर गाउँपालिकाको प्रशासकिय भवन निर्माण शुरु हुने भएको छ ।

रेहेलछापमा बन्ने गाउँपालिकाको भवन सुविधा सम्पन्न हुने गाउँपालिकाका गाउँपालिकाका अध्यक्ष शिव अधिकारीले जानकारी दिए ।

बुधवार गाउँपालिका अध्यक्ष शिव अधिकारी, उपाध्यक्ष हरि रिमालले एक कार्यक्रमकाबीच पालिकाको सुबिधा सम्पन्न भवन निर्माण गर्ने सम्झौता गरेका हुन् ।

योसंगै अब तारकेश्वर गाउँपालिका वडा नम्बर १ रेहेलछापमा कार्यालयको सुविधा सम्पन्न भवन निर्माण हुनेछ । निर्धारीत समयमै निर्माण कार्य सम्पन्न गर्न सबैको साथ र सहयोग रहनुपर्ने अधिकारीले बताए ।

यसैविच तारकेश्वर गाउँपालिकाको सेवा अब दानसिङ दशैडाँडा स्थित सामुदायिक भवनबाट शुरु भएको छ ।

यससँर्गै तारकेश्वर गाउँपालिकाको कार्यालय भवन वडा नं १ दानसिङस्थित दशैडाँडामा स्थानान्तरण गरिएको छ । यसअघिसम्म भाडाको भवनमा कार्यालय रहेकोमा गाउँपालिकाले सामुदायिक भवनको मर्मत संभार गरी त्यहीबाट सेवा सुरु गरेको हो ।

आज गाउँपालिका अध्यक्ष शिव अधिकारीले एक कार्यक्रमकाबीच कार्यालय भवनको उद्घाटन गर्नुका साथै सेवाको समेत शुभारम्भ गरेका थिए । सामुदायिक भवनमा प्रयाप्त पार्किङ, शौचालय, पानीलगायतका सबै सेवासुविधा छन ।

भौतिक संरचना समेत राम्रो रहेकाले नागरिकको सेवाका आगामी दिनमा थप सहज र प्रभावकारी हुने गाउँपालिका अध्यक्ष अधिकारीले विश्वास लिएका छन् ।

यो सामुदायिक भवनमा कार्यालय सारेसँगै गाउँपालिकाले यसअघि बार्षिक ८ लाख रुपैयाँ कार्यालय भाडा तिर्दै आएकोमा त्यो रकम समेत बचत हुन भएको छ ।