नुवाकोटमा कोरोना रोकथामका लागि तयार रहन निर्देशन

विदुर खबर २०७९ साउन १३ गते ९:४९

नुवाकोट । नुवाकोटमा कोभिड–१९ को चौथो लहर फैलन नदिन जिल्ला विपद् व्यवस्थापन समितिले स्वास्थ्य संस्थाहरूलाई तयारी अवस्थामा रहन निर्देशन दिएको छ ।

Advertisement

समितिले संघीय राजधानी काठमाडौंसँग जोडिएको जिल्ला भएकाले पनि कोभिड संक्रमित बढ्न सक्ने भन्दै स्वास्थ्य संस्थाहरू तयारी अवस्थामा रहनुपर्ने निष्कर्ष निकालेको हो ।

जिल्लाका स्वास्थ्य संस्थाहरूमा आवश्यक सुरक्षा सामाग्री, अस्पताल शइ्याहरू, जनशक्ति व्यवस्थापन, औषधि र अक्सिजनलगायत कमी हुन नदिन समितिले निर्देशन दिएको छ ।

Advertisement

हालैका दिनमा कोभिड(१९ संक्रमितहरूको संख्या बढिरहेकाले यसको रोकथामका लागि अपनाउनुपर्ने विशेष स्वास्थ्य सतर्कता सम्बन्धी कार्य गर्न भनिएको समितिका अध्यक्ष एवं प्रमुख जिल्ला अधिकारी नाारायणप्रसाद रिसालले बताए ।

कोभिडको चौथो लहरबाट बच्नका लागि नुवाकोटका १२ वटै नगर तथा पालिकालाई सतर्कता सम्बन्धी कार्यहरू गर्न निर्देशन दिइएको छ ।

Advertisement

प्रतिक्रिया