नेपालमा काेराेना संक्रमित बढ्दै, साेमबार १६८ जना थपिए

नुवाकोट ।  कोरोना संक्रमण पुष्टि हुनेको संख्या सोमबार पनि बढेको छ । पछिल्लो २४ घण्टामा १६८ जना कोरोना संक्रमित थपिएका छन् ।

आज थपिएका सक्रमितको संख्या पछिल्लो चार महिना यताकै उच्च हो । यसअघि फागुन २५ गते २२५ जना कोरोना संक्रमित थपिएका थिए ।

स्वास्थ्य तथा जनसंख्या मन्त्रालयका अनुसार २४ घण्टामा भएको कुल तीन हजार २० नमुना परीक्षणमध्ये सो संख्यामा संक्रमण पाइएको हो ।

यसरी एक हजार ८३४ पीसीआर परीक्षण गर्दा १२९ जना र एक हजार १८६ एन्टिजेन परीक्षण गर्दा ३९जना कोभिड १९ पुष्टि भएको मन्त्रालयले जनाएको छ ।

सोमबार कोरोना मुक्त हुने भने ३७ जना छन् । हाल देशमा सक्रिय संक्रमितको संख्या ७७० रहेको छ । केहि समययता कोभिड १९ का कारण निधन हुनेको संख्या शून्य रहेको छ ।